title

Nitin Manna

CBANA Mino

Followers
Plays
Nitin Manna
2 MIN2019 MAR. 3
Play Episode
Comments
title

Details

NITIN MANNA

 

2019

February 28

Tlawngkai Nili

 

In Kai Ngah

 

Ka sualnak phuang lo ih

ka um tik ahcun

sunvu ka ahnak ah

ka taksa a vuai heh.   

 – Saam 32:3

 

Hih thuanthu hi Pastor pakhat in an khua ih thuthangca (news paper) ah amah te’n a simmi a si. Amah te’n hmeltheihnak a tuahmi putar pakhat thawn an chatting aw. “Nang cu utility company ah hnaṭuantu na si pei cu,” ti’n Pastor pa in a ti. Cutikah putar pa in, “A si, ka ṭuan” ti’n a let. Pastor pa in a hminsinmi cu a nauhak lai ah cuih company ih electric cable pawl cu an hmuan sung pahtlang in a feh. Cupa cun, “Khuitawk ah nan um?” ti’n a sut. Pastor pa in an umnak hmun a sim tikah, cupa cun, “Cuih hmun cu ka ciing lai. Cutawk ih electric thawn pehpar in ralrin peknak pawl tla ka ret fel. Nauhak pawl in an sai tla ringring,” a ti. Cutikah Pastor pa cu ningzak le phuhrung aw in a um ih putar pa cun, “Nangmah tla cuih nauhak pawl lakah na rak tel ve si lo maw?” a ti tikah a thin a phangzet. Ziangahtile a rak tel ve ngaingai cu teh! 

 

Pastor pa in a sualphuannak cu Bible thawn a khaikhin: “Sikhalsehla nan thutiammi nan thlun lo a si ahcun, atu ihsin thei cia uh, Bawipa ih parah misual nan si ding. Kan theih ual lo, tiah ti leh hlah uh. Nan sualnak in a lo hawlsuak thotho ding a si” (Mipum. 32:23).

 

Ahlan ih thilsual kan tuahmi pawl cu kanmah in kai ngahnak lamzin an si. Sualnak hlun phuang loih thuhmi pawl cu a besiatzetmi thu-hnuthlun ah an hung cang thei. David siangpahrang in Saam hla fing (32) nak sungah hiti’n a aihram: “Ka sualnak phuang loih ka um tik ahcun sunvu ka ṭahnak ah ka taksa a vuai ṭheh.” “Cule na hnenah ka sualnak cu ka phuang; Ka thilti sualmi pakhat hman ka pheh lo. Ka sualnak cu Na hnenah phuang dingin ka ruatcat; Cule nangmah in ka sualnak cu in ngaithiam ṭheh a si” (Saam 32:5). Sualphuannak thawngin Pathian ih ngaidamnak sungah kan nuam aw thei a si.

                                                                                                            - Dave Branon

 

Pathian in a hminsinnak (record) sung ihsin a phiatmi cu

Zumtu pawl in an ciinkennak sungin an hlonfai thei.