Gestur þáttarins, á kvenréttindadaginn, er Bríet Blær Jóhannsdóttir. Hún valdi sér nafn í höfuðið á Bríeti Bjarnhéðinsdóttur kvenréttindafrömuði og því nafnið hljómar eins og Brie ostur sem er í uppáhaldi hjá þessari aðdáunarverðu konu. Viðhorf rithöfundarins JK Rowling til transfólks menguðu Harry Potter bækurnar í huga Bríetar sem áður hafði fundið innblástur og ánægju af þeim sagnaheimi. Bríet bíður kynleiðréttandi aðgerðar sem hún segir lífsspursmál fyrir margt trans fólk að biðlistinn styttist.
Alex Elliott ræðir við Peter Weiss forstöðumanni Háskólaseturs Vestfjarða um lífið og vinnu, í tilefni Sjómannadagsins. Lög þáttarins eru: Sjómannavalsinn - Hjaltalín Kein Boarischeer - Die Knödel Haglél - Mugison Grafskript - Hinn Íslenzki Þursuflokkurinn Into the Dark - Between Mountains Kotkan ruusu - Arja Saijonmaa
Brynhildur Ólafsdóttir þveraði Grænlandsjökul frá vestur til austurs á 31 degi. Hún segir okkur frá þessu stórbrotna afreki og talar um sannleikann sem hún komst að á leiðinni og hvernig hún var aldrei hrædd þrátt fyrir vonskuveður og hættulegar aðstæður á jöklinum.
Virpi Jokinen var gestur Huldu Geirsdóttur í Sunnudagssögum að þessu sinni. Virpi er menntaður skipuleggjandi og hjálpar fólki að tækla verkefni sem oft virðast óyfirstíganleg. Hún ákvað þegar hún missti föður sinn ung að láta sjálfsvíg hans ekki marka sig, heldur fara í gegnum lífið með jákvæðni og lausnir að leiðarljósi.
Sigrún Eðvaldsdóttir var og er undrabarn á fiðlu. Hún hóf fiðlunám aðeins 5 ára gömul og hefur ferðast víða um heim bæði til að læra meira og spilað á mörgum af virtustu tónleikahúsum heims. Í dag er hún konsertmeistari Sinfóníuhljómsveitar Íslands.
Alex Elliott ræðir við Magdalenu Mazur Tómasdóttur, kjaramálasérfræðing hjá stéttarfélaginu VR, um lífið og vinnu, í tilefni Verkalýðsdagsins. Lög þáttarins eru: Áfram stelpur (1975) - lag Gunnars Edander, eftir texta Dagnýjar Kristjánsdóttur og Kristjáns Jónssonar Working Class Hero - Greenday Viva la Lida - Coldplay Happy - Pharrell Williams Unstoppable - Sia One - U2
Guðrún Dís ræðir við Einar Bárðarson.
Snærós Sindradóttir ræðir við Valgerði Jónsdóttur, sem jafnan er kölluð Vala Waldorf. Vala lenti í slysi heima hjá sér síðla árs 2020, sem varð til þess að hún er nú að fóta sig í nýjum veruleika sem kona í hjólastól með öllum þeim áskorunum sem því fylgir. Hún segist hafa verið hefðbundin þúsaldarkynslóðarkona á leið í andlega sjálfsvinnu og ástarbindindi áður en örlögin kipptu verulega í taumana